1980ko azaroaren 29an abiatu zen lehenengo Korrika; 2017ko martxoaren 30ean, berriz, 20. Korrika abiatuko da. Orduan bezala orain, ekitaldi ezin bereziagoa da. Korrikaren partaideetako batek honela adierazi du: “Korrika lehenengo aldiz igaro zenean, bi sentimendu sortu zitzaizkidan: zirrara eta poza. Orain ere, berdin-berdin". Euskararen aldeko ekimen hau maite dugunon topalekua izan dadin, Korrikaren urtemuga-jaia ospatuko dugu 2017ko otsailaren 11n, larunbatean. Oraindik ere hainbat xehetasun lotzeke diren arren, dagoeneko izen-ematea abian jarri da. Beraz, adi ibili!